Aktivitetet e Kombeve të Bashkuara në Kosovë gjatë 16 Ditëve

Fushata e 16 Ditëve të Aktivizmit kundër Dhunës me Bazë Gjinore është një nismë globale vjetore që bën thirrje për veprim të koordinuar për parandalimin dhe adresimin e të gjitha formave të dhunës me bazë gjinore. Ajo fillon çdo vit më 25 nëntor, Ditën Ndërkombëtare për Eliminimin e Dhunës ndaj Grave, dhe përfundon më 10 dhjetor, Ditën e të Drejtave të Njeriut. Fushata synon të forcojë ndërgjegjësimin, avokimin dhe angazhimin në të gjitha komunitetet, institucionet dhe partneritetet.

Më poshtë gjendet kalendari i aktiviteteve që zhvillohen në Kosovë.

Ky kalendar paraqet aktivitetet e mundësuara nga Kombet e Bashkuara në Kosovë, drejtpërdrejt ose përmes partneriteteve. Ai mund të shikohet në gjuhën angleze, shqipe dhe serbe. Kalendarit i bëhen përditësime ditore gjatë 16 Ditëve, pasi është një dokument i gjallë. Për pjesëmarrje ose informacione shtesë, ju lutemi kontaktoni pikat përkatëse të kontaktit të listuara.

Nëse vëreni ndonjë informacion që mungon ose që kërkon sqarim, mund të na kontaktoni gjithashtu.