Transformimi i Arsimit në Kosovë me Pasaportën e të Nxënit

Strategjia e Arsimit të Kosovës (2022–2026) vlerëson nevojën për të rritur mundësitë e të mësuarit digjiital për të mbështetur mësimin e individualizuar për fëmijët. Shkollat.org, versioni Kosovar i Pasaportës Mësimore, kombinon depon më të madhe të përmbajtjes mësimore të realizuar në video në përputhje me kurrikulën në Kosovë me mjetet e komunikimit për angazhimin e nxënësve brenda ose jashtë klasës.

Ky hulumtim paraqet të gjeturat nga zbatimi i Shkollat.org në Kosovë, duke ofruar rekomandime për rritjen e mundësive të të mësuarit digjiital për politikëbërësit e arsimit në Ballkanin Perëndimor dhe më gjerë. Të gjeturat nga hulumtimi janë të organizuara rreth gjashtë shtyllave të mësimit digjital të përfshira në Strategjinë e Arsimit të Kosovës (2022–2026): platformat digjitale të të mësuarit, përmbajtja, ngritja e kapaciteteve dhe mbështetja e mësimdhënësve, lidhja në internet, pajisjet dhe mbështetja institucionale.