Suedia dhe ILO nënshkruajnë një marrëveshje për të rritur efikasitetin e Inspektoratit të Punës, përmirësuar kushtet e punës dhe rritur produktivitetin e punëtorëve në NVM.

Pavarësisht rritjes së qëndrueshme të BPV-së në Kosovë gjatë dekadës së fundit, mundësitë për punësim formal mbeten të kufizuara—veçanërisht për gratë dhe të rinjtë. Shumë pune kërkues ballafaqohen me sfida si pagat e ulëta, kushtet të dobëta të punës dhe mungesën e zhvillimit të aftësive, ndërsa punëdhënësit hasin vështirësi në gjetjen e punëtorëve të kualifikuar, duke thelluar mungesën e fuqisë punëtore në industritë kyçe.

"Për të adresuar këto çështje, kjo nismë ndjek një qasje të dyfishtë:

🔹 Forcimi i Zbatimit të Ligjit të Punës – Rritja e kapaciteteve të Inspektoratit të Punës, përfshirë transformimin e tij digjital dhe bashkëpunimin me partnerët socialë, për të përmirësuar sigurinë dhe shëndetin në vendin e punës dhe për të mbrojtur të drejtat e punës.

🔹 Mbështetja e NVM-ve për Rritje të Qëndrueshme – Ofrimi i udhëzimeve dhe trajnimeve të përshtatura për të ndihmuar ndërmarrjet në përmirësimin e kushteve të punës, rritjen e performancës së punonjësve, zbatimin e zgjidhjeve të qëndrueshme dhe digjitale, rritjen e produktivitetit dhe forcimin e integrimit të tyre në zinxhirët globalë të furnizimit."**

Kjo nismë bazohet në mbështetjen e vazhdueshme të Suedisë dhe ILO-s dhe është në përputhje me objektivat më të gjera të zhvillimit ekonomik dhe social të Kosovës. Përmes investimeve në sigurinë në punë, zbatimin e ligjeve të punës dhe zhvillimin e sektorit privat, programi synon të krijojë mundësi më të mira punësimi, të rrisë produktivitetin e ndërmarrjeve dhe të nxisë një treg pune më konkurrues.