Tre dekada të punës së përbashkët me institucionet vendore, komunitetet, partnerët e zhvillimit dhe të rinjtë për të promovuar dhe mbrojtur të drejtat dhe mirëqenien e çdo fëmije. Për të shënuar këtë përvjetor, UNICEF-i organizoi një ngjarje të veçantë me përfaqësues të misioneve diplomatike në Kosovë, përfaqësues të organizatave të zhvillimit, entiteteve motra të OKB-së, partnerëve të komunitetit, inovatorëve të rinj dhe udhëheqësisë. Udhëheqësja e Zyrës së UNICEF-it, znj. Veronika Vashchenko, në fjalën hyrëse tha: “Ky përvjetor është një homazh për çdo fëmijë, të ri, prind, mësimdhënës, infermiere, punonjës social dhe partner që ka çuar përpara misionin e UNICEF-it. Ndërsa bota përballet me kriza të shumta, angazhimi ynë duhet të jetë më i fuqishëm se kurrë. Çdo fëmijë meriton të mbijetojë, të mësojë dhe të lulëzojë.”Nderimi i Fillimeve: Reflektime nga viti 1995  Një e ftuar e veçantë e nderit, Flaka Surroi, përfaqësuesja e parë e UNICEF-it që hapi zyrën e UNICEF-it në Prishtinë në vitin 1995 dhe tani udhëheqëse e grupit të pavarur mediatik Koha, ndau reflektime të fuqishme mbi ditët e para të punës së UNICEF-it në një kontekst jashtëzakonisht sfidues. Historitë e saj personale rikujtuan një periudhë të shënuar nga pasiguria, qasja e kufizuar në shërbime thelbësore dhe vështirësi të gjera. Megjithatë, mesazhi i saj ishte vendosmëria dhe shpresa—duke theksuar se, pavarësisht pengesave, angazhimi për të mbrojtur fëmijët dhe për të mbështetur komunitetet ka mbetur i palëkundur.Fjalët e saj nënvizuan një të vërtetë të thjeshtë: përparimi është i mundur kur njerëzit bashkohen me qëllim.Festimi i Udhëtimeve TransformueseNjë pjesë qendrore e ngjarjes ishte një video që paraqiste partnerë, familje, të rinj, edukatorë dhe udhëheqës komunitarë, përvojat e të cilëve pasqyrojnë ndikimin e punës së UNICEF-it gjatë 30 viteve të fundit. Këto dëshmi ilustruan se si bashkëpunimi i qëndrueshëm mund të sjellë ndryshime afatgjata—qoftë përmes forcimit të sistemeve të shëndetësisë dhe arsimit, zgjerimit të qasjes në zhvillimin e hershëm të fëmijërisë, përmirësimit të shërbimeve të mbrojtjes së fëmijës, apo programeve për fuqizimin e të rinjve. Ndër të pranishmit ishin edhe të rinj frymëzues që po sjellin ndryshim, përfshirë z. Seyjnur Veshal, nga komuniteti Rom, dikur zëvendësministër i Kulturës, Rinisë dhe Sportit, udhëtimi i të cilit në aktivizmin shoqëror filloi me UPSHIFT, programin model të UNICEF-it të krijuar për të fuqizuar adoleshentët që t’i shndërrojnë sfidat në komunitetet e tyre në zgjidhje inovative.Partnerë të Bashkuar për FëmijëtFolësit theksuan se çdo arritje—nga sigurimi i shërbimeve thelbësore te iniciativat e transformimit digjital, reformat gjithëpërfshirëse në arsim, forcimi i mbrojtjes sociale dhe angazhimi i të rinjve—është bërë e mundur falë përpjekjeve të përbashkëta, të mbështetura në besim dhe përgjegjësi të ndarë.  Një infermiere e përkushtuar nga programi i vizitave në shtëpi, Shemsije Mehmeti, theksoi se si vizitat në terren ndihmojnë në identifikimin e rasteve që përndryshe mund të mbeteshin të padukshme. Ajo shpjegoi se ndërhyrja e hershme mundëson njohjen në kohë të sfidave zhvillimore, nevojave shëndetësore apo cenueshmërive sociale—duke siguruar që fëmijët të marrin mbështetjen më të hershme të mundshme për të rritur, lulëzuar dhe realizuar plotësisht potencialin e tyre.Fjalimi i Rijad Mehmetit ishte shumë emocional, ndaj miku i tij më i mirë e ndihmoi me leximin. Bashkëpunimi me UNICEF-in për të promovuar të drejtat dhe përfshirjen e personave me aftësi të kufizuara e ka transformuar udhëtimin e tij si i ri me aftësi të kufizuara. Ai theksoi se angazhimi në avokim e ka forcuar vetëbesimin, i ka zgjeruar mundësitë dhe ka përforcuar mesazhin se çdo individ mund të kontribuojë në mënyrë domethënëse kur barrierat hiqen dhe kur sistemet e mbështetjes janë gjithëpërfshirëse. Tri Dekada NdikimiGjatë 30 viteve të fundit, angazhimi i UNICEF-it ka mbështetur:Zgjerimin e qasjes në arsim parashkollor dhe bazik me cilësiForcimin e kuadrove për zhvillimin e hershëm të fëmijërisëPërmirësimin e shërbimeve shëndetësore për nënat, të sapolindurit dhe adoleshentëtProgramet e mbrojtjes për çdo fëmijë, me fokus të fortë te parandalimi dhe reagimi ndaj dhunësNisma të përfshirjes sociale që avancojnë të drejtat e fëmijëve me aftësi të kufizuaraInovacionin, pjesëmarrjen dhe zhvillimin e shkathtësive për të rinjtë përmes platformave si UPSHIFTSistemet e gatishmërisë dhe reagimit emergjent të orientuara drejt fëmijëve dhe grupeve të cenueshmeKëto arritje ilustrojnë një angazhim të qëndrueshëm për të siguruar që çdo vajzë dhe djalë të rriten të sigurt, të shëndetshëm dhe me mundësi të plotë për të arritur potencialin e tyre.Për më shumë, shihni LinkDuke Shikuar PërparaTeksa UNICEF-i shënon 30-vjetorin e pranisë së tij në Kosovë, vëmendja mbetet fort te e ardhmja—te ndërtimi i shoqërive ku të drejtat e fëmijëve realizohen plotësisht, ku institucionet forcohen dhe ku të rinjtë fuqizohen si kontribues aktivë në zhvillim.Njoftim për media i UNICEF-it.  

Shkëndijat shpërndahen mbi dyshemenë prej betoni, ndërsa Faton Behluli, një zejtar 35-vjeçar nga komuniteti Ashkali, i jep formë metalit — të fortë, të dobishëm dhe plot qëllim “Dikur bëja punë fizike për të tjerët,” thotë ai, duke lënë veglat mënjanë për një moment. “Ishte lodhëse — si fizikisht ashtu edhe mendërisht. Sot, kam hapësirën time të punës, pajisjet e mia dhe qetësinë shpirtërore duke ditur që puna ime e mban familjen time.”Për vite me radhë, Faton punoi kudo që mund të gjente punë — nëpër kantierë ndërtimi, duke rregulluar dyer, apo duke ndihmuar fqinjët me punë të vogla të përpunimit të metalit. Megjithëse kishte aftësi, mungesa e veglave të duhura e pengonte të ecte përpara. “Një zejtar pa vegla është sikur të kesh duar që s’mund t’i përdorësh,” thotë ai.Gjithçka ndryshoi kur u përzgjodh si përfitues i Programit për Stabilizimin e Komunitetit (CSP), i zbatuar nga Organizata Ndërkombëtare për Migracion (IOM) dhe i financuar nga Bashkimi Evropian, në bashkëpunim me Ministrinë për Komunitete dhe Kthim.Përmes këtij programi, Faton mori pajisjet thelbësore që i kishin munguar prej kohësh — një aparat saldimi dhe vegla e pajisje për përpunimin e metalit. Me këtë mbështetje, ai më në fund arriti të hapë garazhin e tij të vogël, duke i shndërruar aftësitë e tij në një burim të qëndrueshëm jetese. “Këto vegla ndryshuan gjithçka,” thotë ai me një buzëqeshje krenare. “Më parë isha i varur nga të tjerët. Tani kam punëtorinë time. Mund ta planifikoj ditën, ta menaxhoj punën dhe të siguroj të ardhurat për familjen pa u shqetësuar për nesër.”Çdo ditë, Faton e vë në punë pajisjet e tij — saldon, riparon dhe krijon. Madje ka filluar të punojë herë pas here edhe me kushërinjtë, duke u ofruar punë të vogla me pagesë. “Po e vazhdojmë zanatin që na e lanë baballarët dhe gjyshërit,” thotë ai. “Kur punojmë bashkë, nuk po fitojmë vetëm; po e mbajmë gjallë një traditë.”Duke parë përpara, Faton shpreson ta zgjerojë biznesin dhe të blejë makina më profesionale, në mënyrë që të punësojë të tjerë në mënyrë të rregullt. “Shumë të rinj duan të punojnë, por nuk kanë mundësi,” shpjegon ai. “Me veglat e duhura, gjithçka është e mundur.” Për Fatonin, kjo mbështetje nuk ishte thjesht pajisje të reja — ishte një ndjenjë e re dinjiteti dhe kontrolli mbi jetën e tij. “Pa këtë ndihmë, do të kishte qenë shumë më e vështirë,” pranon ai. “Tani mund të kujdesem për familjen time, të jem i organizuar dhe të jetoj pa frikë nga ajo që sjell e nesërmja.”Përmes Programit për Stabilizimin e Komunitetit (CSP), të financuar nga Bashkimi Evropian, IOM ka ndihmuar individë si Fatonin të shndërrojnë aftësitë e tyre në mjete jetese të qëndrueshme — duke fuqizuar familjet dhe forcuar komunitetet anembanë Kosovës. Storja gjithashtu e publikuar ne faqen e  IOM  LINK

Si shumica e bashkëmoshatarëve të tij, ai kalonte orë të tëra duke shfletuar internetin, duke konsumuar lajme në mënyrë pasive dhe përmbajtje të tjera që shfaqen në internet. Ai thotë se nuk kishte hulumtuar shumë. Kishte vetëm njohuri bazike mbi median dhe informacionin.Martini vendosi të ndiqte kursin “Bazat e Edukimit Mediatik – Të kuptuarit e Medias, Dezinformimit dhe Manipulimit”, i cili përbëhej nga katër punëtori.Përmes punëtorive, pjesëmarrësit mësuan si të dallojnë lajmet e rreme, si të kontrollojnë burimet dhe të kuptojnë mënyrat se si mediat mund të manipulojnë përmbajtjen. Ky kurs e shtyu Martinin të analizojë më shumë rolin e medias, të jetë më i vëmendshëm ndaj përmbajtjes që konsumon çdo ditë në internet, por edhe të rishikojë disa prej qëndrimeve të tij. Edukimi i të rinjve mbi përdorimin e përgjegjshëm të mediave mund të ulë ndjeshëm konfliktet në mes të rinjëve duke i ndihmuar ata të zhvillojnë aftësi për mendim kritik, të njohin dezinformimin dhe të komunikojnë me më shumë respekt si online ashtu edhe offline. Ky aktivitet është pjesë e një programi më të gjerë që fokusohet në ndërtimin e kapaciteteve për zgjidhjen e konflikteve ndërmjet bashkëmoshatarëve, si dhe fuqizimin e shkathtësive të nxënësve për pjesëmarrje aktive në proceset vendimmarrëse. Duke kombinuar edukimin mediatik me këto kompetenca kyçe, programi nxit një mjedis shkollor më gjithëpërfshirës, më të përshtatshëm ku te rinjtë respektojnë njëri-tjetrin.Projekti Youth Empowered through Inclusive Schools and Societies (YESS), i mbështetur nga Fondi i Kombeve të Bashkuara për Ndërtimin e Paqes (PBF), ka një qasje të bazuar në komunitet, duke përdorur shkollat dhe komunitetet e tyre përreth si pika hyrëse për të angazhuar vajza dhe djem të rinj, veçanërisht ata nga grupet e margjinalizuara të cilët nuk kanë qenë të përjfshirë në vendimmarrje. Projekti PBF “YESS” shtrihet në 11 komuna dhe 54 shkolla. Filloi në janar 2024 dhe deri më tani ka arritur më shumë se 8,600 nxënës dhe të rinj (60% femra) dhe gati 600 mësues (68% femra) shqiptarë, komunitetet serbe, goranë, boshnjake, rome, turke dhe kroate. Ndërhyrjet kanë përfshirë trajnime dhe punëtori për ndërtimin e kapaciteteve mbi zgjidhjen e konflikteve, ndërmjetësimin mes bashkëmoshatarëve, mendimin kritik dhe inteligjencën emocionale, si dhe aktivitete sensibilizuese, trajnime rezidenciale, sesione mentorimi, kampe rinore dhe kurse gjuhe.Për Martinin, këto punëtori ishin më shumë sesa aktivitete jashtëshkollore. Ato hapën mundësi të reja, të panjohura. “Punëtoritë më zgjeruan horizontin dhe më ndihmuan të dalloj se çfarë është informacion i saktë e çfarë jo,” thotë Martini. “Më parë i pranoja gjërat ashtu siç vinin, por tani analizoj dhe verifikoj informacionin. Ndihem sikur jam bërë më i matur nëpranimin e informatës,” shton ai.Tani, Martini nuk heziton të ngrisë zërin e tij, dhe të sigurohet që ai po dëgjohet, përdor argumente që di t’i mbështesë, dhe më e rëndësishmja, ndihet i fuqizuar dhe më i sigurt në diskutimet publike.“Tani e vërej shumë më shpejt kur dikush përpiqet të fshehë të vërtetën. E di që shikoj burime të shumta dhe nuk nxjerr përfundime menjëherë. Ndihem më i sigurt kur diskutoj tema që lidhen me median dhe informacionin. Nuk kam më frikë të shpreh mendimin tim, sepse kam argumente dhe di si t’i mbështes ato,” shpjegon Martini rreth rëndësisë së fuqizimit të të rinjve përmes kësaj qasjeje.Ai shton se njerëzit nga rrethi i tij, prindërit, mësuesit, shokët, kanë vënë re një ndryshim tek ai për shkak të pjesëmarrjes në këto aktivitete.“Ata e kanë vënë re ndryshimin”. Më thonë se jam më i matur dhe më me përgjegjësi, dhe disa madje kanë filluar të interesohen për temat që unë përmend. Janë krenarë për mua,” thotë Martini.Ai madje ua ka ndarë të tjerëve atë që ka dëgjuar dhe mësuar. “Kam folur me shokët; madje kam shpërndarë disa linqe dhe këshilla të dobishme që mora gjatë punëtorive.”Kjo, thotë ai, është përvoja më e rëndësishme nga pjesëmarrja në këto aktivitete.“Gjërat më frymëzuese për mua ishin kur kuptova se mund të ndikoj edhe tek të tjerët, kur ndava disa informacione të dobishme dhe pashë se të tjerët i morën seriozisht,” thotë ky gjimnazist simpatik.Martini mendon se është e rëndësishme që të rinjtë të kuptojnë si funksionon media dhe si të mbrohen nga dezinformimi. Ai beson se ky është një informacion që të gjithë e kanë të nevojshëm, dhe për këtë arsye ka një mesazh për bashkëmoshatarët e tij kur bëhet fjalë për programe të tilla:“Do t’u thosha të mos hezitojnë dhe të shfrytëzojnë mundësinë për të mësuar diçka të dobishme. Këto programe mund të ndryshojnë vërtet mënyrën se si e shohim botën përreth nesh, për mua kanë qenë të tillë,” thotë Martini.Rrëfimi i Martinit është më shumë sesa një storie personale suksesi. Është rrëfimi i një djali të ri, nxënës gjimnazi, i përkushtuar për tu zhvilluar dhe edukuar dhe që përpiqet të përdorë dijen dhe shkathtësitë e fituara jo vetëm për zhvillimin e tij personal, por edhe për të mirën e mjedisit ku jeton. Përmes pjesëmarrjes në programe të ndryshme, Martini kontribuon aktivisht në krijimin e një shoqërie të fuqizuar, solidare dhe të arsimuar. Përmes edukimit, dialogut dhe programeve si projekti YESS, të rinjtë si Martini jo vetëm mësojnë si të kuptojnë median, por edhe bëhen promovues aktiv të paqes dhe mirëkuptimit në komunitetet e tyre.Përmes programit YESS, nga marsi deri në qershor, Kontakt Plus organizoi katër punëtori me temën “Bazat e Edukimit Mediatik – Të kuptuarit e Medias, Dezinformimit dhe Manipulimit”, për nxënësit e shkollave fillore dhe të mesme nga rajonet e Kamenicës, Shtërpcës, Mitrovicës së Veriut dhe Zubin Potokut.Pesëdhjetë e dy (52) nxënës nga shkollat e komunitetit serb në Kosovë morën pjesë në trajnimet mbi median dhe edukimin mediatik, me synim zhvillimin e mendimit kritik, kuptimin e përmbajtjes mediatike dhe aftësinë për të njohur dezinformimin. Gjatë punëtorive, nxënësit patën mundësi të njiheshin me analizën e përmbajtjes mediatike, si dhe me përdorimin e përgjegjshëm të rrjeteve sociale. Trajnimi është konceptuar për t’u ofruar të rinjve mjetet e nevojshme që të orientohen në mjedisin modern të informacionit dhe të kontribuojnë në pjesëmarrjen e tyre më aktive dhe të informuar në shoqëri.Ligjëruesi, Profesori i Sociologjisë Slobodan Miljković, theksoi se edukimi mediatik sot është po aq i rëndësishëm sa arsimi fillor, sepse fëmijët dhe të rinjtë janë vazhdimisht në kontakt me një sasi të madhe informacioni që mund të formësojë mendimin dhe sjelljen e tyre çdo ditë.Ai beson se këto lloj punëtorish janë thelbësore, sepse përmes edukimit joformal trajtohen tema shumë të rëndësishme.“Nxënësit, përmes punës spontane, bisedës, ndarjes së mendimeve, në mënyrën më të mirë të mundshme përvetësojnë njohuri të caktuara, të cilat më pas bëhen pjesë e identitetit dhe mendimit të tyre kritik,” thotë Miljković.  Ai shton se nuk duhet të ekzistojë një model i caktuar se çfarë duhet të dinë fëmijët për edukimin mediatik, por duhet punuar për ndërtimin e mendimit kritik tek nxënësit, në mënyrë që ata të jenë në gjendje të njohin vetë manipulimin dhe lajmet e rreme nga ato të vërteta.“Është një proces mbi të cilin duhet punuar, në mënyrë që të kemi një mjedis dhe një shoqëri të shëndetshme. Pikërisht sepse media është gjithandej, dhe fëmijët janë vazhdimisht në telefonat e tyre, ndërsa interneti është një platformë që u lejon të gjithëve të jenë në rolin e gazetarëve, por edhe të konsumatorëve të lajmeve,” përfundon Profesori Miljković, i cili përgatiti dhe udhëhoqi punëtoritë.PBF “YESS”  mbështetet nga programi i UNICEF-it në Kosovë në partneritet me Fondin e OKB-së për Ndërtimin e Paqes, Ekipin e OKB-së në Kosovë dhe Organizatën Ndërkombëtare për Migracionin (IOM).

Mbledhja e të dhënave u përqendrua në demografi, nivelin e arsimit, statusin e punësimit dhe tregues të tjerë kyç. Rreth 4,400 anketues zhvilluan intervista ballë për ballë nëpër komuna dhe komunitete. Trime Ismaili, njëra nga regjistrueset e ReKos, anketoi personalisht rreth 300 amvisëri gjatë këtij procesi.“Ishte thelbësore të krijojmë një mjedis miqësor dhe të mirëpritur gjatë procesit të mbledhjes së të dhënave,” thotë ajo, duke shtuar: “Na udhëzuan që shpesh të zhvillonim biseda të zakonshme, për t’i bërë të anketuarit të ndihen rehat dhe më të gatshëm për të marrë pjesë. Ishim të trajnuar mirë, të përgatitur mirë dhe të pajisur mirë.”Ajo theksoi rëndësinë e qasjes së lehtë dhe të afërt në punën e saj:“Shpesh i filloja bisedat me një buzëqeshje dhe një qëndrim pozitiv, duke thënë: ‘Jam këtu për t’ju regjistruar.’ Dhe njerëzit e dinin saktësisht pse isha aty. Besoj se fushata mediatike e kishte bërë efektin e saj, kështu që gjithçka që na mbetej ishte të prezantoheshim dhe të bënim pyetjet. Në rast se nuk kishte askënd në shtëpi, linim një kartëkontakti dhe ndonjëherë fqinjët ndihmonin për të caktuar një takim.” Ky proces, me një kosto të vlerësuar rreth 12 milionë euro, është financuar kryesisht nga institucionet e Kosovës, me ndihmën e ekspertizës së Kombeve të Bashkuara.Kreu i Njësisë së GIS-it në Agjencinë e Statistikave, z. Idriz Shala, është i gatshëm të flasë për cilësinë e punës së kryer. – “Veglat thelbësore dhe njohuritë e ofruara nga Kombet e Bashkuara nisën me mbështetjen nga UNFPA, përmes trajnimeve të shumta përgjatë një periudhe dyvjeçare. Banka Botërore ofroi falas softuerin Survey Solutions, të cilin ne e përshtatëm sipas nevojave dhe sistemit tonë. Ndërkohë, UNDP, UNECE dhe UNFPA na mbështetën vazhdimisht në të gjitha fazat përgatitore dhe në terren.”“Patëm fatin që ta zbatojmë regjistrimin pas fqinjëve tanë, kështu që mësuam shumë nga përvojat dhe shkëmbimet në rajon – nga regjistrimet në Shqipëri, Maqedoninë e Veriut dhe Kroaci – dhe besoj se e kemi bërë një punë edhe më të mirë në Kosovë,” thekson z. Shala. “Dua të them gjithashtu,” shton ai, “se mbi 90% e regjistruesve kanë performuar shkëlqyeshëm.” UNFPA e mbështeti fushatën e regjistrimit me 4 video informuese (PSA) në 5 gjuhë lokale: shqip, serbisht, turqisht dhe romani, përfshirë edhe gjuhën e shenjave. Këto video u transmetuan gjerësisht në kanalet publike të RTK-së para dhe gjatë regjistrimit.Videoja 1 në gjuhën shqipe dhe në gjuhën e shenjave: Tre videot e tjera në gjuhën shqipe LINK2, LINK3 dhe LINK4. Të katër videot në gjuhën serbe:  LINK1, LINK2, LINK3 dhe LINK4.  Në gjuhën turke:    LINK1, LINK2, LINK3 and LINK4. Në gjuhën rome::   LINK1, LINK2, LINK3 and LINK4In addition to the materials above a social media campaign led by "KAS" including Kosovo mayors and prominent individuals was ongoing during the whole exercise, covering major channels and social media. Zbatimi i Standardeve më të Larta NdërkombëtareUNECE ofroi ndihmë në fushën e statistikave dhe demografisë, e cila ishte thelbësore për vendosjen e një baze të fortë për operacionet e regjistrimit. Për më tepër, për të siguruar cilësinë e regjistrimit dhe punës në terren, specialistë nga zyra rajonale e UNECE dhe UNFPA ishin të pranishëm në terren gjatë procesit të regjistrimit, me qëllim të vlerësimit të cilësisë së punës — duke garantuar kështu përputhshmëri me standardet ndërkombëtare, përfshirje gjithëpërfshirëse dhe elemente të qëndrueshmërisë demografike.Nga forcimi i kapaciteteve institucionale, deri te drejtimi i fushatave për vetëdijesim publik, UNFPA e ka mbështetur agjencië e statistikave në çdo fazë. Përpjekjet janë përqendruar në trajnimin e stafit, angazhimin e qytetarëve dhe përfaqësimin e grupeve në situata të cenueshme.Përtej mbledhjes së të dhënave, UNFPA tashmë është duke analizuar gjetjet e regjistrimit për të ndikuar në politikat për plakjen e popullsisë, barazinë gjinore dhe përfshirjen e të rinjve — duke forcuar përkushtimin e saj për ta shndërruar të dhënat në veprim për zhvillim të qëndrueshëm në Kosovë. Që nga fazat e hershme të përgatitjes për regjistrim e deri te sigurimi i një vetëdijësimi të gjerë publik, UNFPA ka qenë një forcë shtytëse—duke forcuar komunikimin, ndërtuar kapacitetet institucionale dhe shndërruar të dhënat në veprim për të avancuar qeverisjen e mirë, përfshirjen dhe qëndrueshmërinë demografike në Kosovë. — Visare Mujko Nimani, Shefe e Zyrës së UNFPA-sëUNDP menaxhoi një listë rezervë të regjistruesve dhe ofroi mbështetje të fuqishme për analizën e të dhënave pas përfundimit të regjistrimit. Ky hap është thelbësor për të verifikuar rezultatet dhe për të siguruar saktësinë dhe besueshmërinë e të dhënave. Të gjitha agjencitë pjesëmarrëse dhanë kontribut të vlefshëm në hartimin e pyetësorit, duke siguruar që ai të ishte gjithëpërfshirës dhe i përshtatur për të kapur informacionin e nevojshëm demografik.Gjatë regjistrimit, fokusi u zhvendos te forcimi i kapaciteteve të Agjencisë së Statistikave të Kosovës (ASK). Kjo përfshinte trajnime dhe burime për të përballuar sfidat logjistike të procesit të regjistrimit.Ndihma e ofruar nga UNDP për regjistrimin e popullsisë dhe banesave në Kosovë luajti një rol vendimtar në garantimin e një procesi gjithëpërfshirës, i cili ofron informacion të rëndësishëm për vendimmarrësit, planifikuesit dhe studiuesit. Kjo mbështetje u mundëson atyre të marrin vendime të bazuara në të dhëna dhe të shpërndajnë burimet në mënyrë efikase.Duke ndjekur parimin e mos lënies askujt pas, UNDP siguroi që regjistrimi të realizohej edhe në institucionet publike rezidenciale, përfshirë burgjet, institucionet e shëndetit mendor dhe shtëpitë për të moshuar.— Nuno Queiros, Përfaqësues i Përhershëm i UNDP-së në Kosovë Sigurimi që procesi të përmbushte standardet ndërkombëtare ishte me rëndësi thelbësore. Agjencitë e OKB-së punuan së bashku për të garantuar që regjistrimi të përputhej me praktikat më të mira të njohura globalisht, duke rritur besueshmërinë dhe pranueshmërinë e rezultateve të censit. Kjo nismë e përbashkët jo vetëm që mundësoi një operacion të qetë të regjistrimit, por gjithashtu hodhi themelet për të dhëna më të sakta dhe të besueshme në Kosovë – thelbësore për politikëbërje të informuar dhe zhvillim të qëndrueshëm.Regjistrimi në Kosovë u karakterizua nga trajnime efektive, mbështetje e fortë në terren dhe një qasje bashkëpunuese, duke rezultuar në një proces të suksesshëm të mbledhjes së të dhënave. Të dhënat përfundimtare u publikuan më 19 dhjetor 2024 dhe mund të aksesohen këtu: Vegza